COMEZAMOS DE NOVO! BENVIDXS Á SEGUNDA QUENDA!

IMPORTANTE: MAÑÁ, 31 DE XULLO DE 2020, ESTÁ PROGRAMADA A EXCURSIÓN E SAÍDA A PRAIA DE BOIRO (REALIZARASE DE XEITO ESCALONADO E EN PEQUENOS GRUPOS PARA EVITAR AGLOMERACIÓNS) NON HABERÁ MÓBILES NIN CHAMADAS. DESCULPEN AS MOLESTIAS.

#DÍA1DE10 #QUENDA2

 

O mércores 29 de xullo daba comezo a segunda quenda no Campamento Candilexas. Como xa sabemos, está a ser unha campaña de verán atípica e por iso, moitos nenxs foron reubicados no Campamento Xuvenil de Espiñeira tras verse cancelados os campas noutra instalación.

En Boiro abrimos as portas a 46 rapaces e rapazas que chegaron coas pilas cargadas para pasar 10 días que quedarán para sempre no seu recordo.

A recepción alongouse dende as 9 da maña ata ben entrada a tarde, pero tódolxs nenxs que foron chegan foron ubicados nas súas tendas co seu compañeirx e asignóuselles un grupo de pertenza: ACRÓBATAS, MAGOS, MALABARISTAS, TRAPECISTAS OU ILUSIONISTAS. Estes grupos están formado por 9/10 rapaces e rapazas que realizaran sempre as actividades xuntxs, segundo o protocolo ante a alerta sanitaria pola COVID-19 e coa intención principal de minimizar o risco. Porén, o sentimento de pertenza a un gran grupo máis numeroso está sempre presente, fomentado polos cánticos grupais nas horas das comidas e por diversas actividades nas que de xeito seguro e mantendo as distancias podemos estar todxs máis preto ou realizando xogos de xeito simultáneo no mesmo espazo como as veladas ou a dinámica do BUZÓN do campamento, un lugar onde poder deixar cartas e notas a calquera participante de Candilexas sempre dende un ton respectuoso e amigable que son lidas polxs monitorxs en público e que, en ocasións, dan lugar a moitos “salseos”, así lle chaman xs acampadxs a calquera cotilleo que se xenere  en torno a eles/as ou aos monitorxs.

Na chegada dos participantes, ao longo da mañá realizamos un obradoiro para elaborar a nosa propia funda personalizada para gardar a máscara naqueles momentos que non a empreguemos e asegurar deste xeito unha maior hixiene. Fumos coñecendo aos nosxs monitorxs de referencia de grupo, aos demáis monis e aos nosxs compañeirxs.

Pola tarde despois do tempo libre, desfrutando de algunha que outra partida ao parchís, ás cartas xogos deportivos e tempo de “cháchara” realizamos un gran xogo de presentación.

Trala merenda, coñecemos as normas do campamento que farán que ao transcurso dos días aconteza dun xeito seguro e respectuoso, tamén falamos  das actividades que imos facer ao longo destos 10 días (acrosport, arte natura, láser tag, tiro con arco, teatro, circo, maxia, percusión, caracterización, body combat, festa holi e festa da espuma...)

Pola noite, tivemos que realizar un rastrexo pola instalación coa intención de atopar a unha morea de monis que sufriron unha intoxicación alimenticia que trouxo consigo extraños comportamentos e causoulles a pérdida da memoria. Xs acampadxs tiveron que axudarnos atopar a súa localización, descubrir que lles pasaba e descifrar o xeito de curalos para que o campa puidera seguir adiante.

Unha vez solventado o misterio dxs monitorxs e rematada a velada da CAZA AO MONITXR, fixemos unha breve relaxación como volta a calma e regresamos ás tendas onde puidemos desfrutar dun tempo cxs nosxs monis de tenda para solventar dúbidas, compartir inquietudes e falar do transcurso do día antes de pechar os ollos e descansar nesta paraxe tan especial en plena natureza.

NOTA: XA TEDES DISPOÑIBLES AS FOTOGRAFÍAS DO DÍA DE ONTE NO ENLACE AO DRIVE QUE SE VOS FACILITOU NA CARTA INFORMATIVA.

CALQUERA DÚBIDA OU PROBLEMA, PODEDES ESCRIBIRNOS AO CORREO candilexas2020@gmail.com