DESPERTAR EN CANDILEXAS

#DÍA2DE10 #QUENDA2

Onte, 30 de xulio de 2020, foi o noso primeiro día completo no campa. O sol saíu tímidamente en Candilexas, dando unha tregua aos calurosos días aos que estabamos acostumados. As 8:30 da mañá comezou a resoar a música na campa e os primeiros acampadxs asomaron as cabezas entre as tendas dispostxs a comezar o día a tope de enerxía.

Almorzamos como campións/as (leite, zumo, tostas con marmelada, magdalenas e ata bolos recheos de cacao). Cando xa tiñamos as pilas cargadas ao 200% reunímonos nas pistas polideportivas para realizar o ACTÍVA-T, unha dinámica diaria de exercicio físico a través de bailes e coreografías dinámicas que nos serve para, como di o nome, activarnos pola mañá ben cedo e poder así afrontar o resto do día.

Comezamos coas actividades rotativas, desfrutando desta primeira rotación de TEATRO, CARACTERIZACIÓN, LÁSER TAG, CIRCO e TIRO CON ARCO.

En TEATRO fixemos unha achega ao mundo da improvisación e dramatización, realizando pequenos e sinxelos xogos e dinámicas de desinhibición para perder a vergoña e romper o xeo, non sei a vergoña a perdemos pero as risas estiveron aseguradas.

En CARACTERIZACIÓN experimentamos con diferentes técnicas de maquillaxe individual, desde pequenas e grandes tatuaxes polo corpo ata deseños máis complexos no rostro. Enzoufámonos, sí. Pero tamén enchemos de cores as caras e corpos de tódolxs campistas.

Outra das rotas, foi invadida por unha tripulación futurística pertencente á flota do mesmísimo Capitán Jack Sparrow, e sen decatarnos vímonos envoltos nunha batalla entre piratas do Caribe por atrapar a bandeira do contrincante coa axuda das nosas magníficas pistolas de LÁSER TAG.

Na primeira rotación de CIRCO fixemos un obradoiro de malabares. Con tan so globos e arroz elaboramos as nosas propias bolas coas que despois practicamos ata conseguir converternos en auténticos malabaristas dignos de calquera espectáculo circense.  

Por último, en TIRO CON ARCO, aprendemos as regras e normas básicas para manipular o arco con total seguridade e cando xa tiñamos clara a teoría puxémonos mans a obra, ao principio semellaba complexo pero despois as frechas ían parar ao centro da diana con máis facilidade da que xamais houbésemos pensado.

Pola noite, Candilexas convertíuse nun gran e coñecido musical, a opera Gardnier de París chegou ao campamento con todo o equipo de artistas, pero de súpeto unha das cantantes, Christine Daaé foi raptada pola PANTASMA DA ÓPERA, xs acampdxs deberían axudar ao resto de integrantes da ópera a atopar á súa máis preciada cantante, deberíana atopar e superar diferentes probas ata conseguir o mapa das catacumbas onde se agocha a pantasma para así liberar á cantante.

ANIMAMOS ÁS NAIS/PAIS/TITORXS E DEMÁIS FAMILIARES E AMIGXS A COMENTARNOS NO BLOG AS VOSAS IMPRESIÓNS E MENSAXES, SERÁN TRANSMITIDAS AO EQUIPO TÉCNICO E ACAMPADXS, QUE DE SEGURO LLES FAI MOITA ILUSIÓN SABER QUE TEÑEN XA OS SEUS FIEIS SEGUIDORES 😊

NOTA: XA ESTÁN DISPOÑIBLES AS FOTOS DO DÍA 2 DE CAMPAMENTO NO DRIVE PRIVADO, ACCEDENDO CO ENLACE QUE SE PROPORCIONOU NA CARTA INFORMATIVA.