EXCURSIÓN Á PRAIA+PARQUE DO RÍO COROÑO+CLUEDO DO CIRCO

Antonte, sexto día de campamento e 20 de xullo de 2020, tocou día de PRAIA e excursión ao PARQUE MULTIAVENTURA DO RÍO COROÑO. Foi un día de sol pero non tan caluroso como o pasado o que nos permitíu raelizar a ruta de camiño con máis facilidade.

Algúns grupos pola mañá e outros pola tarde, despois de comer, desfrutaron dos amigos/as, xogaron ao voley, bañaronse, botaron unhas cartas, faceron unha morea dedebuxos, voaron cometas, xogaron á petanca, ao fútbol, cos frisbies e coas palas... mercamos unhos xeados e unhas chuches para completar este día tan xenial. E cando creíamos que nada podía ser máis divertido, visitamos o Parque Multiaventura do Río Coroño, unha contorna natural chea de emocións!

Chegada a noite, visitounos o Gran Circo de Candilexas, non faltaba ninguén, a bailarina, o forzudo, o domador... pero de súpeto, en plena actuación, aconteceu un terrible crime. A bailarina foi asasinada! Os nosos acampados e acampadas participaron na investigación do caso, como si do xogo do CLUEDO se tratara. Tiveron que adiviñar quen era o asasino, con que arma a matara, en que lugar e porqué o fixo. Convertéronse en auténticos detectives interrogando aos integrantes do circo e realizando complicadas pescudas ata dar coa solución!