ADIVIÑA QUE TALENTO TEMOS!

#DÍA8DE10 #QUENDA3

O campamento está a piques de rematar e o tempo segue sen darnos un descanso, así a todo, nós erguémonos con enerxía e ganas de seguir desfrutando destes días en Candilexas. 

Pola mañá fixemos un obradoiro, un marco de fotos con material de refugallo, principalmente de cartón, e coa axuda de tesoiras, cola, temperas, pinceis, etc. Creamos o noso propio porta retrato para poder levarnos  unha foto de recordo. 

Despois, da merenda de media mañá xogamos a “UN PARA GAÑAR”, pasámolo en grande facendo apostas e probas onde o ridículo non existe e so hai cabida para a risa e a diversión.

Pola tarde, seguimos cos ensaios do “TI SI QUE VALES”  e posteriormente representamos os nosos números artísticos no talent show televisivo máis coñecido da historia de Candilexas.

Chegada a noite, visitounos o Gran Circo, non faltaba ninguén, a bailarina, o forzudo, o domador... pero de súpeto, en plena actuación, aconteceu un terrible crime. A bailarina foi asasinada! Os nosos acampados e acampadas participaron na investigación do caso, como si do xogo do CLUEDO se tratara. Tiveron que adiviñar quen era o asasino, con que arma a matara, en que lugar e porqué o fixo. Convertéronse en auténticxs detectives interrogando aos integrantes do circo e realizando complicadas pescudas ata dar coa solución!

NOTA: XA ESTÁN DISPOÑIBLES AS FOTOS DO DÍA 8 DE CAMPAMENTO (19/08/20).

MAÑÁ AO LONGO DO DÍA SUBIREMOS AS FOTOS DO DÍA DE HOXE MÁIS O VIDEO FINAL DE FOTOS E O VIDEOCLIP DO CAMPAMENTO. ROGAMOS DESCARGUEN TODAS AS FOTOS E VIDEOS.

P.D: HOXE POR FIN SAÍU O SOL! MAÑÁ CONTÁMOSVOS MÁIS! DEICA LOGO E GRAZAS POR LERNOS!