APROVEITANDO OS RAIOS DO SOL!

#DÍA3DE10 #QUENDA3

Onte, 14 de agosto de 2020,  foi un día especial porque tivemos a “EXCURSIÓN Á PRAIA DE BARRAÑA (BOIRO)”. Tódolos días, no comedor podemos observar o cartaz do día, un cronograma que nos conta as actividades que levaremos a cabo durante a xornada.


Tras almorzar, repartimos os “lereles” para mercar algunha chuche, puxemos o pucho, botamos crema e enchemos a mochila de moita ilusión para afrontar o día.

Saímos de xeito escalonado para evitar aglomeracións pola rúa e partimos en grupos de 11 acompañadxs de 6 monitorxs cada grupo. Polo camiño cantamos tan alto que nos escoitaron en Ribeira e fixemos do camiño un ameno paseo.

Xa na praia, coa nosa zona reservada para evitar o contacto coa xente allea a nós.  Tomamos unha froita para repoñer forza e logo organizamos un xogo por equipos na area: a rosa dos ventos, acabamos como croquetiñas recién feitas.

Despois de comer un par de bocatas, mercamos algunha lambonada, algún xeado ou refresco e desfrutamos da tarde coa charla entre compañeirxs, aproveitamos para  facer amizades, estreitar lazos, pero tamén para xogar, ler, desfrutar da praia, a area, o mar.


Botamos un torneo de brilé entre acampadxs e monitorxs, voamos cometas, xogamos á bomba na auga e ata enterramos a un monitor na area e fixémoslle unha gran cola de serea. Tamén tivemos tempo para xogar ao parchís, ao axedrez, ás palas, ao badmiton, fútbol, voleibol, petanca, cartas...


Chegada a noite e con ela, a velada, rememoramos unha das series máis coñecidas para aqueles que crecemos xunto ao Xabarín da TVG. Esa "super" noite a contaminación invadíu a nosa contorna e por iso tivemos unha inesperada e importante visita. Os guerreiros de Gaia viñeron a reclutar aos nosos acampados/as para atopar aos Planetarios (Vento, Lume, Terra, Auga e Corazón), conseguir os aneis e así poder invocar ao CAPITÁN PLANETA para que loitara contra a contaminación e deixar nas nosas mans o facer deste lugar un mundo mellor.



NOTA: XA ESTÁN SUBIDAS AO DRIVE AS FOTOGRAFIAS CORRESPONDENTES AO DÍA DE ONTE E ANTONTE. DESCULPADE A TARDANZA.

AGARDAMOS POLOS VOSOS COMENTARIOS NO BLOG, GRACIAS E DEICA MAÑÁ!

Comentarios

Publicar un comentario

Publicacións populares deste blog

CAMPAMENTO DE MAXIA E FEITICERÍA CANDILEXAS!

Imaxe
  IMPORTANTE: LEMBRADE CHAMAR AO MÓBIL DO CAMPAMENTO FORA DO HORARIO DE CHAMADAS ESTIPULADO PARA CONCRETAR HORA DE RECOLLIDA (722 452 268) OU ESCRIBIDE UN CORREO A candilexas2020@gmail.com CO NOME DX ACAMPADX E HORA DESEXADA ENTRE AS 16:00 E AS 18:00 E ESPERADE CONFIRMACIÓN. LEMBRADE TAMÉN QUE SOAMENTE PODERÁ RECOLLER Á PERSOA ACAMPADA AQUELA QUE FIXERA A INSCRIPCIÓN NO CAMPAMENTO, DE NON SER ASÍ PRECISARASE AUTORIZACIÓN E FOTOCOPIA DO DNI DA PERSOA AUTORIZADA.  TEDES ADEMÁIS QUE TRAER TODXS A FOLLA CUBERTA DE "ABANDONO DA ACTIVIDADE" QUE SE REPARTÍU O DÍA DA RECEPCIÓN. GRACIAS.  #DÍA6DE10 #QUENDA3 A choiva segue sen darnos tregua en Boiro, pero nós seguimos a diante contra vento e marea coas nosas actividades, dinámicas e xogos demostrando a nosa capacidade de adaptación e as nosas ganas de estar aquí a pesar de todas as trabas que o tempo nos está a poñer. Onte, 17 de agosto de 2020, pola mañá seguimos coas rotacións de PERCUSIÓN R2 onde cantamos ao son da guitar...
Ler máis

ATA Á PRÓXIMA CAMPISTAS!

Imaxe
 #DÍA40DE40 #FINDACAMPAÑADEVERÁN Con esta última e inesquecible quenda damos por finalizada a Campaña de Verán. Levamos a nosa mochila cargada de sorisos, recordos e ilusións que pouco a pouco foron metendo tódalas persoas que este ano pasaron por Candilexas. O verán comezaba con unha morea de dúbidas e medos pero o bo facer, as ganas e a responsabilidade fixeron que todo marchara a diante e que remataramos con éxito as catro quendas. Gustaríamos que por unha vez aínda que fora, puidésedes ser nós, que puidésedes experimentar todo o que está a acontecer agora mesmo no noso interior, e é que temos o traballo máis fermoso do mundo. Traballar man a man coa rapazada, convivir, experimentar, compartir, desfrutar, TODXS A UNHA por un fin común: pasar 10 días que queden gardados para sempre no noso recordo. Gracias de todo corazón, gracias ás familias/titores por confiar, pero sobre todo, gracias á rapazada, en especial aos 33 rapaces e rapazas de esta última quenda, por demostrar u...
Ler máis

CANTO TALENTO HAI EN CANDILEXAS!

Imaxe
  #DÍA8DE10 #QUENDA4 O mércores 2 de setembro foi toda unha aventura, pola mañá, despois do almorzo e o ACTÍVATE adentrámonos de cheo no READY PLAYER ONE , un gran xogo baseado na película de ciencia ficción de Spielberg que recibe este mesmo nome. A historia comeza en 2045, co xove Wade Owen Watts, un xogador de videoxogos que prefire a realidade virtual antes que o mundo real. O Máster Gamer , Wade Owen, creou un mundo de realidade virtual idéntico a Candilexas e escondeu aquí tres ovos dourados que de atopalos otorgaríanlle a Jimmy e Timmy, dúas persoaxes de baixo rango, unhas skins pro e non as de segunda man que levan agora. A nosa misión era axudar a estes dous visitantes. Xs acampadxs deberon atopar e resolver os “easter eggs” (minixogos ocultos dentro do gran xogo). Cando atoparon un deberon memorizalo e ir a outra zona onde unha persoaxe do xogo realizoulles unha proba. Unha vez superada puideron seguir na procura de eses fantásticos ...
Ler máis