MAR, AREA, XEADOS E MOITAS RISAS!
#DÍA3DE10 #QUENDA4
Onte, Venres 29 de
agosto de 2020, aproveitando que o Sol saíu en Candilexas timidamente entre
algunha que outra nube, realizamos a EXCURSIÓN Á PRAIA DE BARRAÑA.
Erguémonos con
ilusión e preparamos as nosas mochilas, bañador, crema, roupa de abrigo por si
as nubes nos amolaban o día, enfundamos o chaleco reflectante, a pucha,
gardamos os diñeiros nos bolsillos e comezamos a nosa andaina, por grupos de
ACRÓBATAS, MALABARISTAS E ILUSIONISTAS, co fin de evitar aglomeracións.
Xa na praia,
delimitamos os espazos coa axuda de conos e colocamos as nosas toallas a 1’5
metros de separación no momento das comidas. Os rapaces e rapazas, moi
responsables, evitaron en todo momento o contacto con persoas alleas ao campa e
extremaron as medidas de desinfección de mans. Mantivemos, segundo marca a
normativa, a máscara posta en todo momento agás no baño e durante as comidas e
puidemos desfrutar igual, ao 100%, dun día xenial entre amigxs.
Tomamos froita a
media mañá para repoñer forza despois da camiñata e xogamos a unha morea de
cousas: brilé, voleybol, badmiton, fútbol, parchís, uno, incluso voamos
cometas!
Tamén tivemos tempo
para charlar en gran grupo, coñecernos máis, falar de temas de interese e
reflexionar a cerca de diferentes temas de actualidade.
Comemos na praia dous
bocatas, un de xamón con tomate e outro de lomo e queixo e ademáis de postre, a
parte da froita, mercamos unhos xeados e unhas chuches. Bañámonos, rebozámonos
na area e xogamos na auga unha bomba. Tamén pasamos o rato entre acertixos e “xogos
de pensar”... e claro, o que nunca pode faltar: os cotilleos, ou mellor dito,
como lle chaman xs acampadxs: salseos.
Foi un día moi
completo e distendido, as veces tamén está ben desfrutar do tempo libre fora de
actividades dirixidas e darnos un tempo para establecer lazos coa xente que
temos ao arredor, en realidade é esa a esencia do campamento, facilitar as
relacións sociais o coñecemento mutuo e todo dun xeito lúdico.
Aproveitando eses
momentos tan especiais, aprendemos a canción do campa, o noso himno, a letra
que ao rematar os dez días corearemos con morriña entre bágoas e sorrisos.
Chegada a noite e con ela, a
velada, rememoramos unha das series máis coñecidas para aqueles que crecemos
xunto ao Xabarín da TVG. Esa "super" noite a contaminación invadíu a
nosa contorna e por iso tivemos unha inesperada e importante visita. Os
guerreiros de Gaia viñeron a reclutar aos nosos acampados/as para atopar aos
Planetarios (Vento, Lume, Terra, Auga e Corazón), conseguir os aneis e así
poder invocar ao Capitán Planeta para que loitara contra a
contaminación e deixar nas nosas mans o facer deste lugar un mundo mellor.
Qué envidia nos dan :)!!!
ResponderEliminarEstán pasándolo de maravilla!!, mi hija esta encantada!,,
ResponderEliminarEstán pasándolo de maravilla!!, mi hija esta encantada!,,
ResponderEliminarQue ben, que ambientazo!! A seguir así, gozando a tope!
ResponderEliminar