SE CHOVE, QUE CHOVA!

 

AVISO IMPORTANTE: POR CUESTIÓNS METEOROLÓXICAS APRAZAMOS ATA PRÓXIMO AVISO A SAÍDA Á PRAIA E AO PARQUE MULTIAVENTURA DO RÍO COROÑO PREVISTO PARA MAÑÁ 17 DE AGOSTO DE 2020. POLO TANTO, SÍ HABERÁ CHAMADAS. DESCULPEN AS MOLESTIAS.

#DÍA4DE10 #QUENDA3

Ao parecer avecíñanse días de choiva en Candilexas, onte foi o primeiro de eles. As nubes cubrían o ceo da campa e pequenas gotiñas mollaban o teito das nosas tendas, pero ese non será motivo ningún para nos amolar a nosa xornada.

Enfundamos roupa de abrigo e capucha e almorzamos unha morea de cousas: leite, cacao, zumo, froitas, cereais, magdalenas, tostas con marmelada e ata tivemos chocobollos, tan desexados polxs acampadxs!

Buscamos unha alternativa cuberta da choiva para realizar tódalas actividades que tiñamos previstas: TIRO CON ARCO, OBRADOIRO DE CIRCO, e CONTOS AO REVÉS.

En TIRO CON ARCO, puxemos o noso corpo a cuberto para aprender a empregar o arco, e como si foramos auténticxs indixs apuntamos e disparamos directo á diana, ao principio semellaba complexo pero a práctica e o tempo fai ao experto.

En CIRCO realizamos un obradoiro no que elaboramos as nosas propias pelotas de malabares atendendo ao éxito da rotación anterior na que xa demostramos a nosa alucinante habilidade e axilidade manual. Empregamos globos e arroz e practicamos ata conseguir realizalo con tres pelotas simultaneamente. Foi todo un reto!

Pola tarde, chegou a directora dunha importante compañía de teatro e o seu despistado axudante, viñan na procura de actrices e actores para representar os seus mundialmente coñecidos “CONTOS AO REVÉS” unha obra teatral na que elxs mesmxs escribirán e representarán as súas propias obras, partindo de contos clásicos como Caperuchiña Vermella, O Parrulo Feo, Cincenta ou Os Tres Porquiños e daranlle a volta resaltando aqueles valores que son máis axeitados na nosa sociedade actual e tratando temas de interese xeral como a perspectiva de xénero, o racismo, a diversidade, o bullying, a homofobia, o respeto polo medio, etc. As obras resultantes serán escritas, ensaiadas e representadas os últimos día do campamento integramente polxs campistas.

Á noite, Candilexas converteuse nunha gran festa de FUROR, un concurso musical, o maior de tódolos tempos,  no que os grupos deben pasar diferentes probas para coroarse como campións, pero a cousa estivo moi reñida. Estamos no correcto se afirmamos que foi o evento do ano en toda Galicia, e é que foi unha noite especial, os presentadores, nada máis e nada menos que Rosalía (tra, tra) e Don Patricio contaron para o seu espectáculo cunha chea de celebridades como Lady Gaga, Nicky Minaj, King África, Shakira, Kiko Rivera, Ana Guerra e Aitana World, Amaia Montero... e unha morea de persoaxes que nos amenizaron a velada, pero si ata tiñamos invitacións únicas e intransferibles e persoal de seguridade no acceso ao recinto! Foi sen dúbida unha noite para o recordo.

 

NOTA: XA ESTÁN SUBIDAS AO DRIVE AS FOTOGRAFÍAS CORRESPONDENTES AO DÍA DE ONTE.