CANTO TALENTO HAI EN CANDILEXAS!

 

#DÍA8DE10 #QUENDA4 O mércores 2 de setembro foi toda unha aventura, pola mañá, despois do almorzo e o ACTÍVATE adentrámonos de cheo no READY PLAYER ONE, un gran xogo baseado na película de ciencia ficción de Spielberg que recibe este mesmo nome. A historia comeza en 2045, co xove Wade Owen Watts, un xogador de videoxogos que prefire a realidade virtual antes que o mundo real. O Máster Gamer, Wade Owen, creou un mundo de realidade virtual idéntico a Candilexas e escondeu aquí tres ovos dourados que de atopalos otorgaríanlle a Jimmy e Timmy, dúas persoaxes de baixo rango, unhas skins pro e non as de segunda man que levan agora. A nosa misión era axudar a estes dous visitantes. Xs acampadxs deberon atopar e resolver os “easter eggs” (minixogos ocultos dentro do gran xogo). Cando atoparon un deberon memorizalo e ir a outra zona onde unha persoaxe do xogo realizoulles unha proba. Unha vez superada puideron seguir na procura de eses fantásticos “easter eggs”. Unha vez rematadas as probas, recibiron tres chaves (unha cada grupo) que lles deu acceso ao nivel máster e búsqueda de ese ovo dourado. Sen embargo, durante a merenda de media mañá dous ladróns roubaron as chaves que tanto esforzo lles costara conseguir aos nosos acampados/as polo que Timmy e Jimmy informaron de que deberían acceder aos “niveis bonus”. Pero estxs acampadxs son uns/as autenticxs campións/as e conseguiron pasar tódalas fases, recuperar as chaves, atopar os ovos e facer de Timmy e Jimmy dúas persoaxes de alto nivel. Pola tarde, preparámonos para participar no “Ti si que vales” de Candilexas, un show televisivo no que demostrar todo o noso talento, que non é pouco. Temos actuacións de todo tipo, musicais, de maxia, teatrais, de habilidades ximnásticas... e pasamos a tarde ensaiando para hoxe facer a gran actuación ante o público. Chegada a noite, visitounos o Gran Circo de Candilexas, non faltaba ninguén, a bailarina, o forzudo, o domador... pero de súpeto, en plena actuación, aconteceu un terrible crime. A bailarina foi asasinada! Os nosos acampados e acampadas participaron na investigación do caso, como si do xogo do CLUEDO se tratara. Tiveron que adiviñar quen era o asasino, con que arma a matara, en que lugar e porqué o fixo. Convertéronse en auténticos detectives interrogando aos integrantes do circo e realizando complicadas pescudas ata dar coa solución!  NOTA: XA ESTÁN DISPOÑIBLES AS FOTOGRAFÍAS DO DÍA DE ONTE NO DRIVE PRIVADO.